రోడ్డు పనులు పరిశీలించిన ఎమ్మెల్యే అనంత

అనంతపురం, అక్టోబర్ 08 : నగరంలోని లక్ష్మీనగర్ నుండి నడిమి వంక కు పోవు జన్మభూమి రోడ్ నిర్మాణం పనులను ఎమ్మెల్యే అనంత వెంకటరామిరెడ్డి పరిశీలించారు. ఆదివారం ఉదయం జన్మభూమి రోడ్ నిర్మాణం పనులను చేపట్టారు. ఈ సందర్భంగా జేసీఎస్ కన్వీనర్ చింతకుంట మధు తో కలిసి ఆయన రోడ్డు నిర్మాణం పనులను పరిశీలించారు. రోడ్డును నాణ్యతతో వేయాలని అధికారులు, కాంట్రాక్టర్‌ను ఆదేశించారు. ట్రాఫిక్ అంతరాయం కలుగకుండా త్వరితగతిన పనులు పూర్తి చేయాలని ఆదేశించారు. అనంతరం ఆయన మాట్లాడుతూ.. వైయస్సార్ కాంగ్రెస్ పార్టీ అధికారంలోకి వచ్చిన తర్వాత అనంతపురం చరిత్రలోనే ఎన్నడూ లేని విధంగా రోడ్లు, డ్రైనేజ్ నిర్మాణం పనులను చేపట్టామన్నారు. ఇప్పటికే అనంతపురం నగరంలోని ప్రధాన రహదారుల విస్తరణ పనులు పూర్తి కావచ్చాయని, వాటితో పాటు వీధుల్లో, చిన్న చిన్న సందుల్లో కూడా సీసీ రోడ్ నిర్మించామన్నారు. రానున్న రెండు మూడు నెలల్లో అంతర్గత రోడ్లు నిర్మణం పనులను కూడా పూర్తి చేస్తామన్నారు. రుద్రంపేట ప్రధాన రహదారి అద్వాన్నంగా ఉన్నదని, ఇప్పటికే బ్రిడ్జ్ నిర్మాణం పనులు చేపట్టామని అతి త్వరలోనే రోడ్ విస్తరణ పనులను కూడా చేపడుతామని స్పష్టం చేశారు